【维港会】坚持买轮椅位自备凳睇戏 自私客懒理戏院违例

《复仇者联盟4 : 终局之战》上月播映时掀起抢飞热潮，有戏迷为先睹为快，不惜自备椅子，坚持购买轮椅座位，结果被戏院职员以违反消防安全为由拒绝但戏迷亦拒让步，「我话得就得啦，卖你就卖啦咁多嘢讲」，最终与经理理论下，获准买轮椅位入场。职员不禁慨叹，「香港人真系好麻烦，好彩你无跌亲啫，如果唔系转头又入我哋数架啦！」

该戏院售票职员在facebook专页「西客之道 Hispitality Secret」投稿，称上月一套全球期待的大作上映首日，戏院几乎全院满座。当日就有一名男客人要求购买轮椅座位戏票，「我自己有凳自备架啦」，但职员则以违反消防安全为由拒卖，「唔系客人自唔自备嘅问题，系轮椅位我哋唔卖得畀一般客架，如果我卖咗畀你，其实到时摵飞同事都系会截住唔畀你入场架」。客人听罢大为不满，「你唔好同我讲消防条例」、「我上次都得啦！点解你今次唔卖畀我啊？」，又说「我话得就得啦，卖你就卖啦咁多嘢讲」。

职员为免阻碍其他排队购票顾客，唯有先让步卖飞给他，但明言自己要负责任，「得！我出畀你，我亦都会照同经理报备，转头佢搵你有啲咩事要退飞，或唔畀你入场我绝不负责。」最后经理在开场前再与该客人解释，但对方仍坚持入场，「你唔好同我讲消防条例啦，我仲熟过你呀！」经理最终「跪低照畀个客入场」。

职员事后慨叹，香港人真系好麻烦，好彩你无跌亲啫，如果唔系转头又入我哋数架啦！仲要呢啲时候后面排队嘅客明知前面有个麻烦友阻住自己，都无人出声帮口，真心觉得心淡」。

根据《公众娱樂场所规例》，除非获发牌当局的书面同意，否则任何人不得对发牌当局不时批准的在处所内的构筑物，照明、电力、冷冻、通风、机械或其他装置，座位、过道或其他装置，或座位、过道或其他安排，进行不论属永久或临时的改动或增设。

帖文引来不少网民留言，有人批评该客人明知故犯，「消防条例仲熟过你......先生即系知道已经会触犯法例」；亦有部分网民斥戏院应坚持拒售票，「经理跪低，下次个客又再系咁罗道理喺自己度，都唔肯坚持」、「咁你明点解会发生『点解上次得今次唔得』嘅事啦？系你地害下一次嘅同事」。另有人认为应报警处理，又「唔好加櫈比佢，亦唔好畀佢自备，就睇佢企足3粒钟」。