为杜德伟首踏天桥 陈小春标汗嗌腾鸡

陈小春为好友杜德伟（Alex）昨晩在（28日）在杭州举行的首个自家品牌创作时装骚首次行catwalk，压轴出场掀起整晚的高潮。
小春完骚后受访，直言：「我仲流紧汗，行之前唔知自己要望边到，最后唔谂啦，昂然大步挺胸行就算啦！好彩有音乐，如果冇音乐，真系腾呀！行完几分钟catwalk，好似唱完半个钟头演唱会咁！」Alex马上反问：「系唔系呀？」小春说：「真系！唔系讲笑！我picture唔到个画面系点，如果台下冇人有反应咁点算呢？又惊有肚腩又惊条裤会甩⋯⋯」Alex回应：「我啲衫点会呢？小春又咁fit！真系好多谢小春，因为献出第一次，但佢完全驾驭到套衫，佢一行出场全场哄动，有小春成个骚真系生色不少！」
其他好友志伟、B哥（锺镇涛）则投诉：「点解剩系叫小春，唔叫我哋行呀？」Alex说：「下次要帮曾志伟设计衣服，拣套短度阔封畀佢！」Alex再问小春，下次是否愿意再帮手行骚？小春爽快回答：「冇问题！」Alex说：「朋友就系咁样啦！」完骚后，Alex与一班好友举行after party庆功，举杯畅饮！