【维港会】大妈堵塞巴士车门要求等朋友 车长拒绝反被闹

搭交通工具人人都应遵守礼仪，惟日前有大妈疑冲上巴士，并堵塞车门疑等待同行朋友。车长疑不满大妈阻碍开车，要求其落车，大妈直斥：「你咩态度呀？」

据facebook群组「巴士的事讨论区」的片段可见，事发周日下午约3时，当巴士上客时，大妈冲上车，并挡在车门转头看望尾随的友人，扰攘约10秒后，车长直呼：「落返车啦」，大妈闻言回头反驳「咩事呀？」车长再言「落返车啦，你要等人呀嘛，无讲错呀」。大妈不忿再质问「你讲咩话？」，车长重复「落返车罗，咩问题呀？」

大妈不满车长态度欠佳，称「咁你可以问一问呀嘛，唔系一句叫我落返车呀嘛」车长则反驳「咩问一问呀，好明显啦，叫你落返车咪啱罗」。大妈再解释「我同朋友三个人一齐行过嚟㗎」，车长直斥「你揼低咗你自己友呀，三个一齐行过嚟，你好唔好意思呀。」大妈再回嘴「咩叫好唔好意思呀，你咩态度呀」。

网民纷纷斥责大妈自私，并指车长应该直接开车离开，不应浪费唇舌。有人指「面皮真厚」、「讲咗咁耐佢d（啲）朋友都未到，摆明特登搞事拖时间等佢d（啲）朋友嚟上车啦！」不过也有人认为车长没有问过乘客便直呼「落车」，两个都无礼貌可言。