Cheronna举行迷你音乐会 获家人男友撑场劲感动

女子组合Super Girls成员Cheronna（吴嘉熙）日前推出新歌《无利可图》，于尖沙咀举行迷你音乐会，她表示今次更有份参与作曲，十分兴奋：「《无利可图》系我第一首有份参与作曲嘅歌，真系好开心，因为冇谂过自己可以去到呢一步，见到作曲一栏有自己个名，真系觉得好开心、好感动，所以系一个好特别嘅尝试，希望之后有多啲机会参与写作。」

提到父亲联同男友黄奕晨（Dixon）现身支持，Cheronna坦言相当开心，「我都有一段时间冇出歌，同埋好耐冇演出live show，之前《你的你》派台时有参加一啲live show表演，不过Daddy好多都miss咗。今次叫咗Daddy嚟睇，好可惜妈咪要做嘢嚟唔到，不过有一件好特别嘅事，就系Dixon之前话有工作，但最后都赶嚟支持我，所以成件事好有爱，表演嘅时候知道佢哋喺度，我个心会好定，冇咁紧张。」

另外， 剪了一头新发型的Cheronna透露近日积极瘦身，「之前真系太锺意食嘢，所以肥咗好多呀，今次真系好坚决，同埋用好健康嘅方法去减肥，唔会系唔食嘢、饿到好辛苦嘅减法，我会Keep住做运动、练舞，加上妈咪煮健康餐，所以今次减肥旅程唔算辛苦。」