对住女仔劲细胆 徐浩昌:我系劲淆底嘅垃圾嚟！

原创本土剧《向西闻记》自从在 NETFLIX 及 hmvod 上架后，至今网上总点击已高达 200万，成绩骄人。

当中单元《因为寂寞所以健身》，涉及累到人鸡毛鸭血的伦敦金及健身会籍问题，饰演 IT 狗的徐浩昌 ( 肥肠 ) 因偷恋靓女黎纪君 ( Christy ) 而健身操 fit，希望变大只佬赢得青睐，但事与愿违，反变水鱼被健身院骗钱，最后更连环中伏。

肥肠直认对住甜美可人的 Christy 拍戏有「心跳」加速，「我由拍完套戏，到煞科饭、庆功宴、首播礼所有活动，加埋同佢讲唔够十句嘢，我系对住女仔嗰啲劲细胆劲淆底嘅垃圾嚟架。」反而 Christy 就不会对肥仔却步：「可能我系人马座，好多嘢凭感觉，肥肠喺戏入面为追阿纯 ( 其饰演角色 ) 特登去做健身改变自己，呢样嘢我系几欣赏。如果真系有个男仔为咗追我而好努力去改变一样佢好难改变嘅嘢，系会好吸引到我，希望我可以快啲搵到呢个人啦。」

提到现今社会骗案曾出不穷，投资、股票、健身院、美容院等，都令不少人误坠陷阱，Christy 表示曾收过自称入境处人员来电，幸获妈妈提醒未有中招，「嗰个人话系入境处，话我嘅身份证明文件被人盗用，要我俾钱去办领，当时我好惊，半信半疑，好彩妈咪喺隔离听到就叫我收线，话好明显系呃人电话，自此之后我都小心。」