浸大生饭堂闹事 不满食物差爆粗闹职员：几十蚊畀啲屎我哋食

浸会大学多名学生疑不满饭堂食物难食，趁quit hall日（学期住宿舍最后一天）到饭堂闹事，不但爆粗大闹，更掟餐具落地发泄。浸大发言人回应称，正了解事件，如发现有学生违规，将依据既定程序跟进。

有传媒报道，事发在昨日早上9时许，约10多名男生在浸大学生宿舍饭堂「浸大食坊」内叫嚣，当中部分学生为浸大宿舍蔡元培堂宿生，期间有人破口大骂，内容疑是对饭堂食物不满，当中更有人向职员讲粗口，「好X难食，X你老X！畀几十蚊，畀啲屎我哋食！」、「只有饮品系正常，最好味嘅饮品系咩？系可乐，仲有饮水机嘅水」、「炸鸡髀唔推出，海南鸡好好的又取消，最好食系海南鸡，我要烧春鸡」等，而一名身穿蔡元培堂足球队波衫的男生，更数次更掟餐具落地发泄不满。

事件曝光后，大批网民在facebook专页「HKBU Secrets」中留言，有人留言直斥「大学生喎....基本尊重都唔识，成个烂仔咁！冇啲修行！你觉得难食未去第二到食，唔好帮衬罗！」、「明知难食重要食，又要X，咩玩法？」、「难食就可以随便侮辱人，连基本尊重都唔识？」，亦有人认为不应该欺负前线员工，「系出晒名难食， 但唔好欺负前线员工，去X个中标公司」、「难食已经唔系新闻，阿姐都唔系煮果个，发脾气以为自己好型？」，不过亦有人认同学生行为，「我支持学生用激烈方式表达意见，受过教育唔讲得粗口？咩道理？面对啲咁无良嘅商人，唔通同佢玩对联、吟诗表达不满？」。

浸大发言人回应传媒查询时表示，校方十分关注学生的行为和操守，学生事务处正了解事件，如发现有学生违规，将依据既定程序跟进。