现身澄清冇抢人老公 姚子羚惊讶密照流出：床照系我唔知

姚子羚傍晚时份回电视城拍剧《唐人街》，并就有被指抢模特儿蔡宛珊（Saraki）老公Raymond Young报道见记者作澄清。约6时半现身的子羚，待传媒拍照及Set咪后淡定开腔，说：「首先我想讲，我认识Raymond，同佢交往时，佢同Sarika已经分咗手一段时间，到现时为止佢哋应该分开咗两年；我同Sarika系相识，佢亦知我当时我系同Raymond交往过。（即系依家分咗手？）我哋目前系普通朋友关系。（咩原因分手？）细节亦唔想再去讲，总之依家关系对大家都系最舒服。」对被指介入别人婚姻，子羚再澄清：「我相识佢时，佢同Sarika已分开咗，到现时已两年，分咗手一段时间，实质几耐唔想再提及。」

问到二人亲密照流出有否怀疑甚么人会这样做？子羚坦言：「有嘅，但目前唔想深究啲相点流出嚟，只系觉得好惊讶两个人一啲照片会在外间流出去，我都觉得系一件好惊讶事，但都冇去谂点解会有。（有几多人有呢啲相？）唔应该问我，一啲合照我系有。（床照呢？）我冇，床照系我唔知。（只一个人有？）如我觉得好过份行为，我会同公司商量点处理，睇点打算。」

问到是否遇人不淑？子羚说：「要讲都讲晒，都澄清咗。（有冇好嬲？）嬲系未有时间。（担心有更激相或短片流出？）呢个我唔知，当然我谂我相信我自己嘅嘢，但目前最紧要想澄清返，我同Raymond相识时，佢同Sarika已分开。」

至于工作方面有否受事件影响？子羚说：「依家拍紧剧，目前做好演员本份，亦冇收任何通知，都系做返演员职责，专心工作，其他嘢唔重要，亦放低，对感情我系认真嘅女仔，想感情关系好简单。」她坦言就这件事有跟Raymond联络，问到对方反应？有否道歉？她说要问回当事，随即赶入厂以为理由，结束约6分钟的访问。