【爱．回家】「安美恋」惹负评 池美丽痛哭自勉：希望用努力感动你

TVB处境剧《爱．回家之开心速递》周一（13日）播出的「假如爱有天意」，讲述池美丽（锺凯琪饰演）介入金城安（周嘉洛饰演）和Bonnie（林凯恩饰）的恋情，惹来不少观众嬲嬲，爆弃剧危机。有网民甚至对锺凯琪作人身攻击，锺凯琪直言有唔开心，亦担心自己做得不够好，「个人嘅感觉真系唔好受。 但哭过痛过 悲伤过后，总要面对现实」，并表示虽然没有能力令全世界人都喜欢她，「但系只要有一个人愿意留意我。我都好乐意为嗰个人付出同努力。 」

锺凯琪连日来在个人社交平台发帖回应，她前日表示，「虽然可能有啲评价会比较令人难以接受。不过你哋嘅责骂同埋支持，都系我的原动力。🙏 想传达的讯息只有一样： 🔆虽然我什么也不是，没有外貌，没有能力。 甚么也没有。但不论戏里戏外的我，都希望用我的努力，不放弃，肯付出去感动你🔆。终有一日即使曾经负评也能变成正评。」

不过，乐观的锺凯琪面对海量负评，也难免有唔开心。她昨日直言「冇谂过大家会有咁大回响」，并谓「虽然收到你哋各方面支持嘅留言，但见到海量般负面的评论，坦白讲真系有啲唔开心。（我都算系平常人，正常人畀人话呕心，点都会有失落）。有谂过唔回应，等事情过去。但三思后，我还是希望同大家分享自己嘅小感觉。因为每一个愿意追随我ig嘅都系我最好嘅夥伴。

首先面对负评，我第一样想的是『是否我做得唔够好？』，『是否我的出现真的拉低了剧集嘅质素？』看到有人叫我退出剧组，或者会因为我嘅出现而可能选择弃剧。个人嘅感觉真系唔好受。但哭过痛过悲伤过后，总要面对现实。香港精神，面对困难绝不可以逃避。不能逃避就只能勇往直前。我记得我都曾经多次提及，我冇能力令全世界人都喜欢我。但系只要有一个人愿意留意我。我都好乐意为嗰个人付出同努力。」

锺凯琪感谢剧组一直给予机会，「 我一定会逐少逐少进步，唔会令大家失望。我会同你哋赋予畀我嘅名字一样『迟美丽』。她最后又重拾乐观心情去看，「如果大家继续如此讨厌我下去，到年尾我是否有资格竞逐『最厌恶角色演绎大奖』？可能对于很多人来说，池美丽系一个电视上唔讨好嘅角色。但系对于我本人嚟讲。佢系我人生一转捩点，佢令到大家认识我。佢实现了我多年嘅梦想。也许佢嘅行为喺世人眼中有点儿偏差。但系佢对于我嚟讲都系独一无二嘅存在。」