郑秀文否认古仔做嘉宾：佢唔得闲

郑秀文（Sammi）在前晚（23日）的红馆第9场演唱会邀得林峯担任嘉宾，他趁机追问Sammi有关网上流传待定嘉宾名单、是否有古天乐？Sammi澄清直指是假，他即笑说：「早知唱《今期流行》啦！」

郑秀文前晚介绍嘉宾出场时，笑言自己由细睇对方的TVB剧睇到大，「呢位嘉宾最近着火呀，好Hot！总之我细细个就睇佢嘅戏长大啦！好，去歌先。」歌曲前奏响起，全场立即尖叫，然后林峯升上舞台，和Sammi拖手合唱《爱在记忆中找你》。
后悔无选唱《今期流行》
当林峯问Sammi为何网上流传她的嘉宾名单前日是「待定」：「我仲睇到个名单有『龙卷风』、即系古天乐，其实你好多次演唱会都请佢嚟……」Sammi即澄清：「假㗎，佢话唔得闲喎。」林峯闻言不禁笑谓：「哎呀，早知头先同你合唱《今期流行》啦，你又跳得！」随即边说边跳几步经典动作，全场爆笑。
然后Sammi为林峯送上礼物——巨型叉烧饭一碗，并说：「好大碗饭，但得一粒叉烧，依家叉烧贵！锺唔锺意？系咪好有意思？」因为林峯在电影《九龙城寨之围城》角色由一碗叉烧饭展开在城寨的故事，他接过Sammi的礼物即高举叉烧饭跟观众打招呼，「大家好，我系『陈洛军』！」全场又欢呼。Sammi同时认真说：「林峯喺呢行嘅演艺生涯都系有血有泪，呢碗叉烧饭食落去都真系滋味在心头！」岂料林峯笑言：「多谢，其实我都系睇你嘅戏大！」之后他预告出年有机会重返红馆，9月会先在澳门开骚。
跑匀全场向观众鞠躬
今次Sammi演唱会没安排握手环节，但她跑匀全场向观众鞠躬致谢，完场后还到场外亲自跟歌迷道谢和签新碟，令红馆外和火车站外围企满数百歌迷。