陈凯琳拒生第四胎 爆老公想要个女

陈凯琳（Grace）昨日以低胸露背吊带裙亮相开幕活动，她表示老公郑嘉颖和爸爸同样是8月生日，每年都一齐食饭庆祝，礼物都要买两份相似的，又说8月底将首次一家五口外游，今次带岁半细仔同行，或会去泰国数天，是个大挑战，笑言买个大袋给老公做生日礼物，可以放多几条尿片。

问到嘉颖是否想追多个女？Grace说：「佢成日咁讲，但真系讲吓，我哋之前有讨论生唔生多个，3个好足够，5人车不需要换。（会否有意外？）应该唔会，呢3个都系意外，哈哈！（封肚？）唔确实讲会唔会……自己锺意男仔。（老公锺意女？）通常男人锺意异性，不过大仔好sweet，个样好似女仔。唔好再问我生唔生，3个已好多！」又指胡杏儿和倪晨曦也生了3个小朋友，笑言看看她们哪位会挑战生多个。