黄子华感动《毒舌》港片史上票房称冠

（星岛日报报道）由黄子华 、何启华、谢君豪 、王丹妮、廖子妤、杨偲泳及栢天男等主演的《毒舌大状》，上映短短20日，香港累积票房已破8,200万元，刷新香港史上港产片票房最高纪录，成为史上港产片第一位。
多位《毒舌》演员怀兴奋又感动的心情见证历史时刻，拍下分享感言。黄子华表示：「讲出来都好难相信，《毒舌大状》竟然成为咗香港电影史上票房第1位，点解嘅？我都唔敢谂，有一日我有份参与嘅电影，会成为百年嘅香港电影史上第1名，我真系未谂过，我自己有咩感受都系其次，我有排都未谂到自己有咩感受，我背脊好似生咗对翼出嚟咁，想松吓咁，松毛松翼。我想问why？点解嘅？点解套戏咁受欢迎呢？我睇过一个观众留言，佢吓死我，佢话从来冇睇过港产片，但佢去睇《毒舌大状》，系香港人冇睇过港产片喎！都畀我哋吸引咗嚟睇，呢种『深海鱼』好难先引到佢上嚟，希望好多『深海奇鱼』帮我哋入场睇吓，究竟呢部戏系唔系值得第1名，如果系嘅话部戏仲可以走得几远呢？当然已经攞咗第1名，好多谢观众，无论第1名可以维持到几耐，时间唔重要，多谢大家畀经验我哋。」