七仙羽预咗爆肚演出 唔敢请教「老公」轩仔

（星岛日报报道）七仙羽（七师傅）将于八月举行一连两场《师傅七都识唱笑会》，她分别会以小丸子、白雪公主、神奇女侠、小仙女及女唐僧等百变造型现身。唱笑会内容主要来自她曾主持的节目《七救星》、《七福星》等，当中更包括唱歌、跳舞、Talk Show，保证内容丰富！一向圈中人缘好的七师傅表示内部认购门票反应热烈，嘉宾阵容强劲！    
工忙繁忙的七师傅表示这次演出的筹备时间很少：「重点会练唱歌，其他嘢都系临场发挥，平时我上台做嘉宾都无夹过，但系唱歌跳舞就唔得，要记歌词、记舞步。」从没学过唱歌的七师傅，坦言今次是个大挑战，而且工作实在太忙，她表示：「平时又要拍广告、拍节目、见客做生意，我唔系全职艺人，有人问我点解唔搵下世老公（张敬轩）教唱歌？我唔敢，话明系下世老公，今世timing唔啱。」
谈到上次做张敬轩红馆骚嘉宾，七师傅表示犹如发了一场梦：「好难忘，但系太多缺点，今次观众俾钱买我表演嘅飞，所以都要做好啲、专业啲，对人有交代！」至于唱笑会海报印有多个不同造型，她笑言：「我谂大家都唔会好期待我唔着衫或者着好少布，其实着唔着都冇乜嘢睇嘅，我主要都系着返海报上嗰啲衫。」
想请Viu众星做嘉宾
今次唱笑会将拍住潘绍聪一起为大家镇宅、辟邪、招财、旺丁，被问会否加入灵异环节？七师傅透露：「到时想讲咩就讲咩，会有少少灵异事件，但唔会好恐怖，都系搞笑成分。」她更表示一完成访问就马上要进行练习，就连一向做善事派饭的活动都要暂停：「之前每星期会派一次食物，𠵱家暂时停一停，因为要练习。每日都瞓好少，有时瞓两、三个钟，要覆好多人电话。」
至于内部认购反应热烈，她笑言：「今次飞唔够卖，好多人问我攞飞，多谢大家支持！」虽然实名制购票能阻止炒卖，但七师傅表示不会考虑实施实名制，因涉及太多行政管理，但很感激身边好友支持：「好多人支持，整个流程好顺畅，好感恩，感谢我下世老公喺IG帮我宣传，佢出个post都好贵，好感谢佢免费帮我，好想佢嚟做嘉宾。MIRROR、ERROR、COLLAR等的ViuTV Artist都想请。我自己都会好支持MIRROR！」