Stephy笑言当年拣错阿力 轩公：拣返我罗！

（星岛日报报道）《张敬轩THE NEXT 20演唱会》前晚在红馆举行第13场，张敬轩（轩公）请来邓丽欣(Stephy)及女团COLLAR担任嘉宾，他重提当年跟Stephy合演电影的趣事，笑她当年望惯另一个靓仔方力申，Stephy笑言剧情讲她拣「阿力」（方力申饰演）是不太好，轩公即爆金句：「戏外十几年后，你拣返我！」
轩公在台上谈到工作上甚少涉猎电影，他自言曾经拍过一部，但自己在电影上映后多年，一次也不够胆翻看，自嘲当年样子「又乾又瘦又冇运行」，但让他识了一位好朋友，并介绍Stephy出场，然后他跟对方甜蜜拖手合唱《十分爱》。
Stephy乘机谷戏
两人大谈过去拍《十分爱》的往事，轩公话：「我哋咁多年来都好似冇变过咁，大家都Keep得OK喎，但系返入去落咗妆就唔知，我话我呀，哈哈！」Stephy谓：「你冇嗰时《十分爱》咁乾乾瘦瘦，我睇番我哋段片，我嗰时真系演技麻麻。」轩公即表示：「你记唔记得其中一场讲我想『沟』你，你坐喺钢琴隔篱，呆咗望住我，但我睇唔到你有爱的眼神。」他再口快快说：「你当时望惯咗另一个靓仔。」Stephy摇着头：「其实我觉得剧情都唔系咁好，你咁有才华嘅靓仔，我喺戏里面点解唔拣你，拣咗阿力呢？剧情唔系好得。」轩公不禁爆金句：「戏外十几年后，你拣返我咪得罗！」Stephy最后向轩公送上主演新戏《饭戏攻心》的换票证。
到安歌环节，轩公请来新女团COLLAR上台，笑说：「叔叔落台欣赏你哋表演。」COLLAR即叫停轩公，并拿出一篮酱汁说：「我哋祝你愈食愈好，作品愈来愈高汁。」轩公收下礼物笑言：「你哋真系有老人家心。各位睇吓依家啲后生，送礼好似去老人院探病，我呢位院友多谢咁多位义工，叔叔降返落去先，转头带你哋去睇金鱼。」