陈苇璇敏感休克急送ICU

(星岛日报报道)《全民造星III》亚军得主陈苇璇前日于社交网限时动态自爆因敏感性休克，被紧急送入ICU。苇璇透露病发经过，表示饭后两小时偕男友去跑步，跑了十几分钟后，她戴着口罩见热便除风褛，未几脸部开始痕痒，以为出风癞便停跑，当打算返家之际随即病发。
陈苇璇在社交平台发文称：「好快全身都好痕，脸已经开始好肿，我行行吓就开始晕，好彩啱啱男朋友陪我跑，唔够一分钟我已经由晕晕哋但行到，变到要瞓喺地下休克状态，我听到有几个人行咗过嚟帮手，但已经睇唔到嘢，唔知自己去咗边咁，佢好快call咗白车，好快到咗，都好快去咗医院，唔知系咪因为太冻，我由白车去到医院都系咁震，医生帮我打咗针，我开始有番知觉讲到嘢，佢话我系敏感性休克，虽然未知敏感原系咩，但啱啱血压太低要留院观察，咁大个女第一次去深切治疗部。」幸苇璇没大碍，当晚已转普通病房，昨再发文报平安指敏感全退，精神不俗并已出院。