吴浩康郭思琳注册喊唔停

(星岛日报报道)吴浩康（Deep）与郭思琳修成正果，早前宣布结婚兼快将升呢做父母，一对新人昨日举行小型婚礼正式注册。Deep紧张到前两晚已失眠，一早彩排时已忍不住喊，在注册一刻更与太太哭不停，对于BB性别，Deep表示要保持神秘，但透露视为「半个爸爸」的老板杨受成会送大利是给BB。
婚礼少不了「爱的宣言」，Deep笑言已度了很多晚，多谢太太愿意嫁给他、愿意一齐去经历他们的人生、一齐去遮风挡雨。郭思琳也表示：「佢同我结婚已经系一个承诺嚟㗎啦，所以佢唔使讲我已经收到晒。」Deep大赞老婆性格率直、简单有孝心。问到给太太几多分？他笑言刚学会新婚第一课，「畀太太几多分都唔够喎，唔可以乱咁畀分，呢个系我啱啱新婚学识嘅事，所以太太一定系超过满分。」Deep坦言婚后心态亦要再重新调整。至于郭思琳婚后第一课，她笑说要「见识」婚姻的恐怖，有太多要去学习，暂时觉得相处是大前提，都想快些经历有几恐怖。
执树枝完成装饰
二人准备婚礼期间亦发生不少「虾碌」事，Deep谓：「过程虽然好简单，但系虾碌嘢都多，因为而家啲速递、运输都受到影响，所以我哋订咗好多装饰嘅嘢好多都冇嚟，最后我哋系喺山边执树枝，去完成个装饰。」在疫情期间举行婚礼亦未能邀太多亲友，Deep表示一定会补办婚宴。Deep坦言无论疫情与否，都是最难忘，「因为冇经验，虾碌百出，感谢太太嘅包容，虽然冇一个十全十美嘅婚礼，但亦都系疫情见证下嘅一个完美婚礼。」
正式注册时，Deep跟郭思琳喊不停，Deep谓：「注册好紧张，冇谂过咁紧张，都好多感动，特别系我见到自己爸爸喺度，其实我都冇乜点停过喊。」郭思琳见Deep喊到「决堤」亦忍不住：「我冇谂过会喊得咁犀利，我一见到佢喊我又忍唔住喊，佢太眼浅啦，我成日要安抚佢。」
保密BB性别
除了成为「人夫」，Deep亦快将成为爸爸，问到首胎是仔定女？Deep表示要保持神秘感暂不透露，但仔女都锺意，「其实仔定女都会好锺意，因为自己都好期待。现时我哋两个都系专注喺第一个小朋友度先，因为都系第一次做爸爸妈妈，所以有好多嘢都未知，可能好多情况要兼顾，所以我哋嘅焦点都系喺BB度先。」Deep透露老板杨受成会送大利是给BB，「老板杨生话会封大利是畀我个BB，其实收到老板嘅祝福已经好开心啦，因为老板真系睇住我成长，照顾咗我二十年，都系我半个爸爸，所以有自己咁尊敬嘅人嘅祝福，其实已经系好大嘅礼物。」