家燕姐重拾同修哥曾江青春回忆

（星岛日报报道）刘德华经典金曲《倒转地球》因陶大宇翻唱而再次爆红，近日TVB将歌曲重新填词改编成贺年歌《今年好笑口》，邀薛家燕率一众艺人合唱，家燕姐疫情之下希望大家开开心心，今次重返50年前常到的电影取景地拍MV，令她重拾当年回忆。
跟家燕姐一同参与贺年歌《今年好笑口》的艺人包括林淑敏、许家杰、郑世豪、谭嘉仪、郑俊弘、滕丽名、吕慧仪、谢东闵、伍富桥、谷娅溦、林颖彤、戴祖仪、施匡翘、苏韵姿及陈浚霆等。家燕姐偕《爱．回家》的林淑敏、许家杰同郑世豪，到一家怀旧酒家拍《今年好笑口》MV，亦找来麦秋成排舞，大家第一次合作得几合拍，几小时就拍完。家燕姐话：「大家都知呢排陶大宇嘅《倒转地球》好hit，我哋唱呢首歌因为个节奏好轻快、开心，歌词全部都系讲恭贺新禧，疫情之下都希望大家开开心心。」
今次家燕姐重返旧地拍MV，她谈到重拾多年前的回忆：「50年前我已经喺呢度拍电影，我见到佢哋啲墙贴住我当时拍电影啲相，嗰时得十几岁，我同曾江、胡枫喺呢度拍咗唔少青春电影、歌舞片，拍完都系留喺到食乳鸽。」
林淑敏一直希望同家燕姐同台唱歌，今次愿望成真，表示：「希望疫情快啲过去，大家可以一齐再热热闹闹、开开心心。」许家杰就愿望：「最紧要系身体健康！希望可以同家燕姐一齐跳十字步，哈哈！」家燕姐就话：「希望我哋演艺界多啲骚，哈哈！虽然大家去唔到街，可以喺屋企睇电视，睇到我哋嘅MV。」