Gigi被Edan叫妈咪超冧 羡煞粉丝

(星岛日报报道)吴君如监制兼自演贺岁电影《阖家辣》，以搞笑形式带出香港疫情下真实家庭故事，找来好友郑中基及梁咏琪（Gigi）合作，还有影坛新贵吕爵安（Edan）。戏中Gigi与Edan演母子，突然成为廿几岁仔之母，她说：「君如惊我过唔到呢个关口，所以亲自送剧本畀我，等我冇得推，唔系君如提我都冇谂，其实计吓数生得出。」君如指从未见过演员如些爽快答应，又欣赏Gigi够自然美。
Gigi今次角色既是妈妈又是一家之主，有个废老公，夫妻相处经常拗撬，相反现实中各自对另一半都很温柔，而君如则属现实版一家之主，她笑言：「由细到大我都问阿女，屋企边个系boss？佢指住我话You。我唔使做一家之主，但有啲嘢自自然然就要决定，每个人谂法唔同，价值观唔同，好多事始终要做决定，我就做咗呢个位，因为我系妈妈。」戏中君如饰演随和大姑奶，不乏接受检疫及进入隔离营场面，写实贴地。
前辈传授戏功畀Edan
几位前辈首次和Edan合作赞不绝口，投入得似一家人，Gigi说：「Edan一远处就叫妈咪，好冧！我谂全香港妈咪都好想Edan嗌佢妈咪，啲fans都话好想做佢妈咪。」剧组最紧张Edan一场喊戏，君如知道他在MIRROR十二子中，觉得Edan很理性，做演员会蚀底，应该要投入忘我，还大爆：「试镜时佢想推，就系话有场戏要喊，佢惊喊唔到好大压力，最后都成功发挥，肯定劲过其馀11个，我哋过晒啲武功畀佢。」并激赞Edan为人真诚，有自信又谦虚。
囡囡获封百元利是片酬
君如透露囡囡开始锺意演戏、跳舞、唱歌，特意安排她客串1秒镜头做reception，给了$100元利是女儿。她明白家庭环境耳濡目染，不会阻止女儿入行，但要她真心去做才知道艰苦。郑中基的一对子女不会追星，孻仔尽得爸爸幽默搞笑基因，他笑说：「有日学校旅行，老师听到阿仔同同学讲『I like maggie』，同学话我哋冇maggie喎，佢话maggie is sauce（指某知名调味料），maggie is very good，仲话介绍maggie畀佢识，you should try！」