《造星》CY踩入影坛做返自己

（星岛日报报道）有「神经刀」之称的CY（陈泽言），去年参加ViuTV选秀节目《全民造星III》打入十强，决赛当晚更凭一句「我把声系咁」成为热话！入行一年，CY出歌、广告、电影样样试过，他将会在中环一间餐厅举行第一次个人音乐会，用歌声答谢一班支持他的人。

由素人身分参加《全民造型III》而入行的CY，参赛初期的呆呆表情经常看似「发梦」，被导师彭秀慧先后赠言「恨铁不成钢」和「烂泥扶唔上壁」，不过CY够争气，最后凭唱歌实力打入十强！

虽然最后未能赢得三甲，但CY发展绝对不俗，除了担任综艺节目《囝囝女女730》主持，又同花姐齐齐拍广告，前辈关心妍更邀请CY合唱歌曲《腍》，加上电影拍摄，CY都话自己好幸运：「呢一年最满意一定要讲最近参与嘅两部电影，其中一套电影啱啱完咗，不过详细就唔讲得住，唔可以剧透住！只可以讲个角色好符合我自己本身的性格，可以系套戏入边做返我自己！」

CY无签公司，换言之没有庞大资源背后Support，幸好这一年CY有姑姐做经理人，帮她处理工作上的大小事务，令CY可以专心工作:「其实一直以来造星完了之后，所有活动工作都系我姑姐帮我，过程中佢都有同我分享好多难处，我都会安慰佢，大家都明白呢条路系难行，最紧要一齐努力！虽然有时我哋都会有拗撬，有啲位谂法唔一致，因为姑姐另外一个身分系屋企人，有时我都会唔知点同佢表达，但最终我都系好信任佢，我都会放手比佢帮我处理问题！」

入行一年，热爱唱歌的CY也储落一班粉丝支持，为了答谢歌迷，CY即将在10月2日在中环一间高级餐厅举行第一次个人音乐会: 「拣餐厅举行系姑姐帮我搞嘅，起初佢觉得呢个餐厅环境好适合我，成个餐厅都好靓，跟住个老板又支持！今次呢个小型音乐会真系我第一次，其实都好紧张，会担心自己会唔会嗰日突然之间唔舒服，但系点都好我会尽力做嗰个表演，今次系一个好好嘅聚会机会俾我见番好多呢段时间支持我嘅朋友。同埋有好多我之前嘅中学同学，朋友专登嚟撑场，我有叫佢哋唔使买飞，但佢哋都坚持一定要买飞撑场！」

CY亦不忘感激粉丝:「歌迷都好支持，第一个show好快已经爆咗，好开心佢哋会喺我第一个音乐会肯出嚟支持我！同埋之前见到佢哋帮我整嘅应援，真系有啲受宠若惊，之后有啲乜嘢我一定会回报返佢哋，我知道做人最紧要饮水思源！」

CY对于自己的音乐路，原来已经秘密做好准备:「其实不嬲我唱歌或者行歌手呢条路，我冇点同人比较，大前提都系做我自己锺意做嘅嘢先，Enjoy咗开心咗就OK，不过我都计画咗出年一月份推出我自己个人第一只歌，首歌已经录好咗，而家已经筹备紧拍MV！幸运有投资者帮手，大家初头倾开就话试吓合作咗先，佢都有同我打个比喻，今次合作就好似拍拖咁，去到最后都系想结婚嘅，但系结唔结得成就要睇吓大家合作嘅过程！」