薛家燕与6尺型男拍广告 即时回春

(星岛日报报道)薛家燕月尾将荣升嫲嫲，BB未出生已经脚头好好，带挈嫲嫲与爸爸Jackson接拍果汁广告，由爸爸执导，嫲嫲做女主角！Jackson更请来6尺嫩口型男做男主角，讲起同型男掂手仔，家燕姐都忍唔住「流口水」。

问到同型男合作是否有回春感觉？她笑说︰「个partner叫Daniel，有型又识做戏，睇番playback发觉我哋几衬，我直情成个青春晒。」问到有冇掂到型男手仔？家燕姐笑指︰「流口水添，眼神好多接触，手仔就应该冇掂到（你几耐冇掂过男仔手仔呢？）唔系好耐啫，我成日同人握手嘅，哈哈！咁拖吓手仔都系礼貌嚟，你知我随和，又充满伟大嘅爱。如果真正拖手仔呢排就冇喇，可惜因为疫情关系，大家要天各一方，惟有靠手机同电脑倾偈，希望可以快啲拖到手仔啦！」