杜琪峯鼓励抱恙Anson Lo：叫啲兄弟顶一顶

(星岛日报报道)杜琪峯、MIRROR成员「教主」卢瀚霆（Anson Lo）及郑欣宜（Joyce）昨日出席虚拟银行广告发布会，首拍广告的杜Sir自认是新仔，大赞Anson Lo及Joyce比他叻及醒目！杜Sir又指做演员舒服，40多年来首次在片场觉得开心、零负担及享受，若有邀约不排除继续演出。他明言若有适合剧本会找Anson Lo及Joyce拍戏，亦承认会与ViuTV合作剧集。

笑问杜Sir会否欣赏MIRROR演唱会？他说：「可能会去『装』吓！但睇晒全场就未必有耐性，睇吓『装』到几耐罗！哈哈！」Anson Lo即说：「杜Sir嚟装吓，我哋都好开心㗎喇！」谈到继姜涛排舞晕倒后，Edan及教主也「同病相怜」，Anson Lo说：「我目前情况OK，现在尽量不跟别人说话，希望大家唔会以为我寸啦！」杜Sir即笑说：「你哋有十几个，唱得唔好都冇人知！你唔得咪叫啲兄弟顶一顶罗，唔系要咁多兄弟嚟做乜呀？」

此外，Joyce大赞Anson Lo好正，皆因大家都爱跳舞，一拍即合，更被教主踢爆拍广告时跳爆盲肠炎伤口，Joyce解释因为首次与教主合作，不想舞技被比下去，只好使出浑身解数，目前伤口已无大碍；杜Sir再爆金句说：「年轻人怕咩呀！爆完再爆！」