爆父母早已离婚 黄树棠儿子：毋须内疚

(星岛日报报道)资深艺人黄树棠因肺癌病逝，儿子黄荣璋（章鱼）凌晨在社交网撰文抒发挂念亡父亡母及亲恩之情：「唔知点解对眼好似闩唔到个水喉，我好似一路记返起晒以前好开心嘅记忆，佢哋由细开始就好锡我，阿妈唯一一次揸住衣架想打我，追追吓都会变成一齐大笑，好开心咁冇咗件事，阿爸系一个武功高强嘅人，佢实打过我？对唔住，系无！佢两个锡到我燶……而家两个都唔喺度喇！妈妈嘅事好不容易先可以放下……佢哋不约而同地喺走前都有提及离婚嘅事，对我嘅影响系最大，有点点对我抱歉！」

棠哥早年与胡桂兰结婚并生下儿子（章鱼），2005年胡桂兰因癌病离世，棠哥一直没提及离婚消息，直至他死后，章鱼怀念亡父亡母，透露童年时父母已离婚，令棠哥感到内疚，不过父子相依为命感情好深。章鱼留言安慰父母不需内疚：「但系因为咁，我先有一个不一样嘅童年，我而家想同你哋讲，你哋对我好好，唔需要内疚，我一样都系幸福的！你哋两个都系我最重要嘅人！教识我好多做人嘅道理，近呢十几年我都同我爸相依为命，似两兄弟多过父子，你冇钱有我顶住，我冇钱有你顶住，出生入死，虽然拗撬一定有，但系父子冇隔夜仇，引用阿爸近年每日都会讲嘅一句，我永远都会记喺心，人唔需要贪心，要知足，『简简单单又一餐』便足够了！我好挂住你呀！爸爸！」