伊健带队落田耕种当做运动

(星岛日报报道)郑伊健早前为经理人林珊珊的网上频道《大家好ALL IS WELL》与浸会大学学生合作拍片，体验做一日农夫！有落田经验的伊健带备新款太阳帽，拿出来即被抢空。珊珊孖女儿「西瓜」和「野人」初次下田即爱上耕种。

当日伊健带着珊珊及其两个女儿西瓜（李澄）和野人（李怡）一起体验农夫生活，初次下田的珊珊更是一试就爱上，计画往后租田多多体验乡郊生活。平日热爱运动的伊健早有准备，知道今次要到农场体验，就带备新款有型的太阳帽来拍摄，不过当一展示出来即被抢空。

之前已有多次种田体验的伊健又说：「珊珊佢哋应该就系第一次，所以每样嘢佢哋都会觉得好新奇，有时会问一啲意想唔到嘅问题，初时会奇怪佢哋点解会咁问，但可能第一次真系好多嘢唔知，或者观众都唔一定知，今次嚟到呢度体验农夫生活令我哋认识多咗农场嘅嘢。」

伊健也认为大家城市人，为令自己身体健康，间中去郊外拎起锄头，总好过全日坐，并指：「耕种严格来讲都系一种运动，不过系最轻松嘅运动，我觉得一啲都唔辛苦，有时间系应该多啲到郊外参与耕种。食物对香港人嚟讲好重要，但太少人参与种植，所以应该支持呢个落田概念。」

珊珊虽然首次落田，但她自言已经爱上这个活动，她说：「一直好期待，其实我一直都好想试，所以由开会听到话要做一日农夫，已经好开心好兴奋。到现场劳动咗一日，就更加想租一块田来耕种，刚才问过呢度啲朋友话真系可以租，公司同事都好支持我，希望可以好快实现。」

身旁的西瓜也插嘴说：「其实我嚟之前好担心，唔知应唔应付到，因为自己平时有啲娇生惯养又怕虫又怕湿，估唔到虽然唔熟手，我又鸡手鸭脚，又跌嘢又差啲将个锄头锄到人。」身为瑜伽导师的野人也很享受今次的体验，她说：「今日只系畀自己60分，如果冇时间嘅限制，应该可以做得更好！」