保锜宣布停工免拖累ERROR 队友发声齐撑

(星岛日报报道)男团ERROR成员吴保锜被负面新闻缠身，上月被揭与「沙律」张沛乐的恋情后，前任女友赖嘉贤（Carrie）指他从未提出分手，被指感情生活混乱，未正面面对感情问题的他，随后又在直播中爆粗骂粉丝，形象插落谷底。事后保锜选择「潜水」，至前晚在社交网发长文，自觉影响ERROR成员而选择暂停所有工作，并向粉丝们致歉，疑似宣布退团。

保锜表示反思作出抉择，写道：「反思咗好多晚，虽然我讲咗好多次会重新出发，但觉得依然欠大家一个交代。我意识到一方面我之前处理感情嘅事做得唔好，另一方面，当晚直播嘅言行举止系好唔啱，说话亦无尊重过人。呢啲全部都系我嘅过失，我要面对自己嘅错，出嚟同大家再次道歉。」对于自己为队友带来影响，保锜表示将暂停所有工作：「我已经同公司讲，喺完成手头上已开始嘅工作之后，所有工作将会暂停。我亦唔会参与任何节目及ERROR歌曲嘅宣传。我认为咁样系一个对我应有嘅惩罚，希望唔好累到其他兄弟，亦唔好因为我嘅关系而抹煞咗所有人嘅心血。」

保锜希望粉丝继续支持ERROR，言词如「退团」：「o依家回忆返过去同三位兄弟一齐做嘢真系好珍贵，嚟紧ERROR嘅团歌，希望大家继续支持佢哋。」最后他再次向粉丝道歉：「我知道保锜喺大家眼中系一个毫无分寸嘅人，但希望下次大家再见到我嘅时候，会见到一个懂得尊重、愿意承担责任嘅人。我希望用行动证明。再次同大家讲多次对唔住。」

其经理人花姐回应：「尊重保锜决定，俾啲时间佢沉淀，知道佢今次好内疚，觉得佢上了人生一课，我有信心保锜再见大家的时候会变得更好更成熟，期待再见到ERROR 4子嘅画面。」其后在限时动态留言：「上了人生一课，Respect你愿意面对错的勇气，相信不久将来会见到更好的你，期待再见到ERROR四子的画面。」队长肥仔亦转发保锜的帖文并留言：「一世人四兄弟，有你有我哋，实撑你！」队友郭嘉骏（193）则说：「人谁无过，错而能改，善莫大焉。」队友阿Dee说：「保锜大个仔，越嚟越立体。」并hastag ERROR四位一体。