專家解構5款罐頭鮑魚特點及煮法 教睇罐頭標籤選優質鮑魚｜食材知識
2023-12-22 00:00 
正值冬至，鮑魚正是過節常吃的名貴食材，鮑魚分為乾鮑、鮮鮑及近年流行的罐頭鮑魚。其中罐頭鮑魚的處理方法簡便快捷，加上配搭千變萬化，能炮製成不同的特色鮑魚料理。有見坊間罐頭鮑魚的款式繁多、質素參差，今天請來上環裕生海味的負責人，教授如何憑罐頭招紙及標籤挑選優質鮑魚，另解構不同產地罐頭鮑魚的特性與烹煮小貼士，讓大家能用罐頭鮑魚烹調滋味冬至菜式。
即睇5款罐頭鮑魚特點↓↓
5款罐頭鮑魚產地各異 風味不同
相比乾鮑魚及鮮鮑魚，罐頭鮑魚方便食用及適合配搭不同食材，可快捷炮製成各種簡便鮑魚料理，是近年的大熱食材。裕生海味老闆黃先生表示，雖然毋須費時處理及烹煮罐頭鮑魚，但款式及產地五花八門，加上部分鮑魚的養殖方法各異，令罐頭鮑魚口感、味道也不同。選購前先了解每種鮑魚的特性，才能煮出美味餸。
1. 南非罐頭鮑魚 爽彈甘香
外形：裙邊濃密，大小適中。
味道：鮮甜甘香
肉質：爽口有彈性
價錢：$250/罐
2. 墨西哥罐頭鮑魚 不加防腐
外形：肥大飽滿
味道：製作過程不加任何防腐劑，味道濃郁鮮美。
肉質：煙韌有嚼勁
價錢：$998/罐
3. 澳洲罐頭鮑魚 多屬野生
外形：多數是野生捕獲，肉厚大隻，呈天然象牙色。
味道：鮮味適中，清香不帶腥味。
肉質：軟腍滑溜
價錢：$298/罐
4. 紐西蘭罐頭鮑魚 味淡偏硬
外形：裙邊參差不齊，鮑魚較為深色。
味道：味道較淡口
肉質：偏硬不易咀嚼
價錢：$328/罐
5. 中國紅燒罐頭鮑魚 富有嚼勁
外形：小巧的骰
味道：味淡須加其他調味料提鮮。
肉質：有咬口，帶有紅燒醬汁的鹹香
價錢：$50/罐
優質罐頭鮑魚 完整米白
優質的罐頭鮑魚裙邊完整，顏色呈米白色。
即睇專家教睇包裝及標籤，選購優質罐頭鮑魚↓↓
專家教睇包裝及標籤 慎選優質罐頭鮑魚
購買優質罐頭鮑魚，黃祺指出要學懂如何看罐頭包裝及標籤，除在招紙上留意鮑魚的來源地外，亦要細心查看罐頭底部的數字及英文簡寫，如HS、PD、AG、廠商編號及鮑魚重量。清楚列明相關資料的罐頭鮑魚，通常都屬優質貨色。
罐頭鮑魚重量
DW是Drained Weight的縮寫，指鮑魚的淨重量。
列明罐頭鮑魚煮法
部分罐頭鮑魚會註明烹煮方法，其中紅燒就是HS（Hong Shao）。
罐頭鮑魚生產日期
PD（Production Date）是生產日期，越近代表越新鮮。
罐頭鮑魚生產廠名
不少出名的廠商都會加有廠名的縮寫，如AG即是生產優質南非鮑魚的Abagold Ltd。
標明罐頭鮑魚廠商編號
標明廠商編號如3500，亦會增加客人選購的信心。
罐頭鮑魚註明隻數
大部分罐頭鮑魚都會在底部註明隻數，隻數愈少，頭數就愈大。
即睇不同罐頭鮑魚烹調方法↓↓
烹調罐頭鮑魚得宜 鮮甜可口
黃先生解釋，所有罐頭鮑魚都經過預先處理，全是熟的，烹調罐頭鮑魚可作伴麵、略為燜煮或做涼拌菜式。每種罐頭鮑魚的食用方法都稍有不同，有的打開罐便能即食，有的罐頭鮑魚由於鮑身較大和厚肉，可因應鮑魚的產地及口感，連罐放入滾水中煮約半小時，或開罐後將鮑魚加入如上湯、蠔油等調味料略煮翻熱。
南非罐頭鮑魚 肉厚適合燜煮
南非罐頭鮑魚較大隻及肉厚，適合炮製燜煮菜式，如鮑魚燜冬菇鵝掌。
紅燒罐頭鮑魚 簡餐配搭
開罐即食的中國紅燒鮑魚，一口一個，做簡餐最好不過。
墨西哥罐頭鮑魚 鮑魚味重宜略煮
鮑魚味較重的墨西哥罐頭鮑，可以加少許蠔油及芡汁略煮，凸顯其原味。
澳洲罐頭鮑魚體積大 涼拌首選
越大隻的罐頭鮑魚，越適合切片做涼拌或冰鎮菜式，如澳洲罐頭鮑魚。
大隻鮑魚連罐水煮添口感
作菜前，大隻的鮑魚最好連罐放入滾水中煮至少半小時，可令口感煙韌有嚼勁。
裕生海味
地址：西營盤德輔道西100號地下
查詢：2559 1097
同場加映：專家教選乾鮑及鮮鮑↓↓
延伸閱讀↓↓
農曆新年｜專家教揀性價比高海味 精選優質鮑魚和金蠔 教浸發乾鮑
海味浸發教學｜花膠/鮑魚/海參/魚翅揀選貼士 海味老店教分鮑參翅肚產地及價錢
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應