下午搵食 | 2款女生專享下午茶 芒果燕窩茶點 歎Tea兼護膚

歎下午茶是女生專利，所以各大餐廳都絞盡腦汁，推出吸引女生的主題下午茶，例如今日推介的兩款下午茶，便以護膚扮靚為題，女生一定喜歡。

 

「香芒盛燕」下午茶

1. 芒果燕窩茶點
加入滋潤養顏的食材炮製的茶點，最能討女生歡心。Angel & Devil新推的「香芒盛燕」下午茶（即日至9月30日，$298/兩位用)，以養顏有益的燕窩及時令鮮芒果為主題，為食客帶來十款精緻茶點。

 

香煎和牛粒配多士及芒果醬

大廚將主題芒果及燕窩融入鹹甜茶點中，例如慢煮55℃龍蝦肉芒果忌廉汁酥皮盒，酸甜芒果提升龍蝦的鮮爽味道。燕窩大蝦芒果乳酪的味道醒胃又清新。鋪上芒果粒和燕窩的北海道牛乳奶凍配燕窩芒果及有機蜜糖，香甜滋味。燕窩芒果千層酥配椰子忌廉的層次豐富，椰子忌廉香滑。

 

清酒水晶燕窩芒果布甸

其他茶點包括香煎和牛粒配多士及芒果醬、煙三文魚芒果蟹肉忌廉芝士巻、白朱古力椰子芒果燕窩雲朵慕絲蛋糕、自家製芒果馬卡龍、清酒水晶燕窩芒果布甸、芒果及黃梅英式鬆餅伴蜜糖及紅桑子果醬，並配上兩杯自選飲品，餐點豐富可口。
Angel & Devil
地址：觀塘駿業街58號Club East洞天4樓
查詢：3103 3808

 

 

「Luminosity」下午茶

 

2. 歎下午茶兼扮靚
愛美是女生天性，所以精緻的茶點與護膚扮靚，同樣是女生的心頭好。位於大館的Madame Fù，與MZ Skin合推「Luminosity」下午茶（即日至8月31日），餐廳大廚以後者着重內在美的理念為靈感，炮製了一系列茶點。
以新鮮時令食材入饌的鹹點，包括煙三文魚迷你鬆餅、粉紅胡椒粒蟹肉沙律撻，以及菲達芝士及黑橄欖青瓜卷，鮮味不膩。精緻甜品最令人期待，如沙棘撻配粉紅蛋白霜、巴巴龍井蛋糕配紅桑子忌廉和士多啤梨慕斯，以及黃金閃爍啫喱，以鮮果的香甜清新為炎夏消暑。惠顧下午茶的客人更可獲贈MZ Skin獨家體驗套裝一份，一於歎茶兼扮靚。
Madame Fù
地點：中環荷李活道10號大館營房大樓3樓
查詢：2114 2118
文：EH