Netfilx 7 月必睇之選｜Stranger Things 第四季明日上架 Mr.Bean 最新小品繼續搞笑本色

因為受到熱帶氣旋影響，天文台連續多日將會發出「雨天娃娃」公仔，九天嘅天氣預報全部都係落雨，Weekend睇怕都要宅在家。不過呢個俾大家休息嘅好機會，不如用嚟煲劇都唔錯。近排小編剛剛追完喜劇演員「Mr.Bean」路雲·雅堅遜（Rowan Atkinson）主演嘅《人蜂不兩立》，故事係講述主角崔佛成功獲得管家公司的任務，需要看守一間豪宅，無奈期間發生好多突然事，佢亦好大意整爛晒豪宅所有價值不菲嘅藝術品，而歸根究底原來係同一隻蜜蜂有關？！呢套劇一連九集，每集半小時，非常有追看性，搞笑位連場。

咁七月頭又有咩新片出呢？大家最期待嘅係咪人氣科幻影集《怪奇物語》第4季嘅第2輯呢？原來明天7月1日就會正式上架啦，新鮮滾熱辣真係要立即追睇。據知今集連導演都話，係拍攝上最具挑戰性嘅一季，而亦有傳已經打算拍埋第5季就終結，所以有追劇情更加唔可以錯過。

如果鍾意睇動畫，7月8日上架嘅《海獸獵人》將會係大家嘅選擇，呢套劇係奧斯卡得獎導演Chris Williams繼《海洋奇緣》、《大英雄天團》 和《雷霆戰狗》後嘅最新力作，以海洋及冒險故事為題材，一定唔會悶。

另外，如果你同小編一樣最鍾意睇啲疑案，咁7月13日上架嘅《消失的劫機者》就千祈咪錯過。故事背景係1971，有一名神秘男子挾持一班西北航空嘅客機，隨後帶著20萬美元贖金成功逃逸，從此就下落不明。其實經過五十年來嘅時間都搵唔到呢個疑犯，究竟在調查中有啲咩綫索？大家就要追睇啦。

星島新聞集團慶回歸25周年專題網站，請即瀏覽
https://bit.ly/39AQC3m

想睇最新消息，立即 like 頭條日報FB專頁！>>