食玩王｜觀塘$35超值慢煮飯盒
2022-02-21 00:00 
說到慢煮，雖說坊間已有不少慢煮棒任君選擇，自家製作沒甚麼難度，但如果在餐廳食一道慢煮菜色，價錢都不會是親民價，事關製作需時，煮最快會熟的牛扒都可能需要兩、三小時，時間成本比一般菜色高。
不過，有小店就希望一反「慢煮唔慌平」的傳統，選擇在觀塘工業區設工場出售慢煮飯盒，售價居然比一般茶餐廳碟頭飯還要便宜！
不要以為售價便宜，份量就會少，說到慢煮飯盒的份量，老闆特意以碟頭飯來作標準，保證一定食得飽咁話。看黑椒慢煮西冷牛扒飯，事先花幾小時慢煮西冷牛扒，黑椒汁亦是專門製作，牛扒肉味十足，容易咬開，醬汁伴飯一流，就連伴碟用的酸菜都是小店自家製作。
至於白汁慢煮香草雞胸飯，雞胸經慢煮後變得軟滑，白汁香味濃郁，整個飯盒由主食到配菜同樣是自家製作，只售$35，可說是平絕觀塘區！有興趣的話只要事前預約即可享用，誰說「平嘢一定冇好」？
Fuseli舒肥
facebook專頁：Fuselihk
關鍵字
最新回應