星島日報

錯到冇朋友

2021-01-21 00:00
劉德華在電影《江湖》中痛罵好弟兄張學友,引用了「民謠」《講你又唔聽》,到底此說出自何人?恐怕要查三代也查不出來。

這個民間罵人的經典語句,很多年前就在坊間流行起來,是每一個老師教學生、老闆訓夥記、上司斥下屬、爸媽罵仔女、長輩責後生仔時,常常掛在口邊之說:「講你又唔明,明你又唔做,做你又做錯」,甚至惡起來贈多兩句:「錯你又唔認,認你又唔改,改你又唔服,唔服又唔講」。嚴格來說,這些句子的作者,或許就是千千萬萬的普通人,為別人教而不善,動氣起來,罵人罵到當歌仔來唱!

事實上,世界上的確有人,講極都唔明,聽極都唔改,剛愎自用,鐵石心腸,儼如化石人,才令民間出現這些勞氣唸謠。早些日子,有朋友拿了這曲來和小朋友唱玩,頗覺得意有趣。大朋友唱一句,小朋友跟着唱一句,唱得鬼咁開心。

小朋友唱得開心,想不到陳植森博士唱得更盞鬼。多才多藝的陳博士是世界級的發明達人,由他發明的「Fridge to Go」,造福全人類,是各醫療服務運送疫苗或其他冷藏物資的必需品,他是香港之寶,而其音樂造詣也高深,唱功獨特,自成一格,更能自編自作自唱,是香港樂壇的奇葩。《講你又唔聽》由陳博士開心唱出來,確是非常生鬼,在當下時勢,令人有莫名的共鳴。

創作此曲的朋友,是香港民謠之父韋然。韋然最拿手以廣東民間的唸謠譜成歌曲。由韋然以民間唸謠作素材譜成的歌仔,廣泛流傳的有《何家小雞何家猜》、《氹氹轉》、《小明上廣州》等等。《講你又唔聽》可說是韋然的最新作品,引用了這一段民間唸謠,再補上副歌而成。據韋然稱,這一曲的副歌,其旋律是取材自韋然另一首作品《我向你求婚》的副歌部分。第一段及第二段的旋律,都是隨意問字取腔,而歌曲順勢而哼,一唱就是《我向你求婚》的副歌,二者配搭起來,竟然天衣無縫。韋然隨手填了「錯了繼續錯,錯咗你咪賴我,錯到冇朋友,你餐餐都出錯」。

韋然謂此曲並沒有影射任何人,希望各界經常犯錯的石化人士,又或者亂咁打的高官,切勿對歌詞入座,但如果有死牛一邊頸的人在歌詞中發現了自己,咁就唔好怪人啦!

文:劉國業  圖:星島圖片庫
劉國業,新聞從業員,酷愛表演藝術,常穿梭於各大場館,以文字記下觀賞感念,回味接近真善美的歷程。

最新回應

相關新聞