星島日報

【張文采離巢】 又一人氣靚女主播離巢!細數歷代新聞之花做女神的秘技

2019-11-27 00:00

無線新聞工作超過10年嘅張文采前晚last day,喺完成11點半新聞報道後向觀眾道別:「多謝大家十年嚟嘅支持,後會有期,再見。」相信好多觀眾都不捨得,其實歷來新聞部都盛產美女主播,有智慧又靚女,今日就同大家細數歷代新聞之花做女神的秘技,等大家可以從中偷師學做網友眼中的靚女!

數到元祖靚女主播,非趙海珠(珠珠)莫屬,2006年擔任「六點半新聞報導」主播時就被雜誌起底,珠珠初出道以短髮示人、眼仔碌碌,當年仲有少少包包面,令冰冷的主播形象多咗一份甜美可愛感,加上這位新聞之花經常將頭髮繞在耳後,露岀雙耳非常爽朗,難怪吸引眾多粉絲!

與張文采甚有關連嘅黃紫盈,大家應該最記得佢2013年喺報道新聞期間曾淚灑直播室,她經常以及肩長髮和八二分界這種典型靚女髮型報導新聞,而且喜歡塗粉紅色唇膏,有一份少女味,她一哭網友怎能不心痛?

近期嘅新聞小花亦有剛於9月離巢嘅梁凱寧,帶啡色的長長女神直髮,加上精靈眼神又表情多多,眼利網友怎會不發現梁凱寧!

被網民封為「嘉倩BB」嘅陳嘉倩,有少少卧蠶,常常塗上粉紅胭脂,好似紅蘋果咁紅卜卜,好有日本妹感覺~

伍楚瑩就嬌小可愛、童星出身,位位新聞之花各有不同做靚女的秘技,想變女神嘅你快來學喇!

Photo Source:電視截圖、IG、FB、微博

最新回應

熱門文章