新聞

【Kelly Online】梁凱晴被封「港版綾瀨遙」 話高攀唔起

12月01日

今屆區選政治素人梁凱晴,喺觀塘月華選區擊敗在任12年嘅獨立建制派徐海山。佢今日以候任區議員身份出席港台《城巿論壇》,一度引來大媽追擊。佢參選以來,備受網民關注,更被封為「港版綾瀨遙」,對於呢個稱號,梁凱晴就不斷話高攀唔起,話希望大家可注意佢喺區議會嘅工作。

佢又認為,自己係一個好普通女仔,可能因為香港較少女性從政,所以予人耳目一新感覺。現任職會計工作嘅梁凱晴,未有打算辭職,仲詁希望爭取明年考到專業會計師資格。

梁凱晴現年25歲,理大會計學系畢業,於觀塘區長大,為社區組織「觀塘願景」召集人。在區議會選舉期間,日本的電視台亦有派記者來港採訪,當中包括訪問梁凱晴,一度成為當地網民熱話。