親子熱話 ︳目擊男童playroom內用尿袋小便 家長發文公審引熱議
發佈時間：18:50 2022-11-17
小朋友或會專注於玩樂，就算「人有三急」也不太主動提出要去洗手間，幼童於公眾場所「瀨尿」時有發生。有家長於社交平台發帖，提到日前目擊一名年約5歲的男童，在一間Playroom內用尿袋小便，對方家長隨後將尿袋對摺並放到背囊的水樽位。樓主指出，希望該對父母「認真諗下個小朋友識瀡滑梯重要，定係識喺適當地方去廁所重要」。相關帖文隨引熱議，有不少網民反認為目擊家長不需要發文公審，但也有網民建議該家長要教導小朋友去廁所的重要性。
5歲童於Playroom用尿袋小便
該名家長日前向facebook群組「生仔要考牌系列」投稿，提到日前在放學時間帶同2名孩子，到一個約有500呎的Playroom玩耍，形容現場「一眼望晒」。樓主提到，當時場內有1名約5歲的男童與其母親引起她的注意，形容該名母親好像「貼身膏藥」一樣，當男童從滑梯滑下時，她亦會高聲說「嗱，你隻手要乜乜物物…」、「嗱，你要小心…」、「嗱，你隻腳要乜乜物物」等。樓主指，在遊玩環節首15分鐘，已聽到對方「嗱」了至少20次。
樓主續指，在遊玩環節結束前10分鐘，自己當時正玩手機，「突然近距離聽到水聲」，隨後聽到男童的母親表示，「嗱，你急就要同媽媽講…成日都係咁」。樓主指，隨後看到男童的父親拿着一個已密封好、類似手機的防水袋的「尿袋」，樓主看到女兒的BB車「就喺嗰位爸爸高舉袋尿隻手下面」，隨即上前打算拉開BB車，卻發現男童父親「好有手尾咁將袋尿，攝落背囊放水樽嘅位置，我嗰下的確嘆為觀止，甚至想拍手」。樓主續指，希望男童的母親看到帖文後，「認真諗下個小朋友識瀡滑梯重要，定係識喺適當地方去廁所重要」。
點擊圖片瀏覽網民意見：
相關帖文隨引熱議，不少網民認為樓主不需要發文公審，又指「個家長已經好有手尾去處理， 又唔係隨地屙尿， 又唔係將啲垃圾到處放。 自己拎返走，都有得畀人講？」、「雖然我唔太讚同佢哋嘅方式，但佢哋有盡力處理已經好好」等，有人解釋指，「其實尿袋裡面有吸水珠珠，同尿片差唔多，只係分別唔係著住」。
另有父母則指，「其實啲仔真係唔急唔出聲，好激氣！所以我都有買即棄尿袋，救命用，我都盡量企埋一邊先去冇乜人嘅地方使用，從來都冇畀人鬧，多謝各位香港人體諒」、「我自己做法係佢急唔急都好，每隔一個鐘或一有空檔見到經過廁所就帶佢去」等。另外，亦有部分人認同樓主的看法，並指「係睇父母自己點教育啫」、「5歲小朋友控制唔到當然正常，佢仲學習中。但父母唔應該教佢哋先去洗手間再去玩？」等。
資料來源：facebook群組「生仔要考牌系列」
部分內容由《星島日報》授權轉載
