江若琳两口子行山放闪 笑老公体能好唔掂

艺人江若琳（Elanne）一向与老公萧润邦（Oscar）恩爱，去年拉埋天窗后，甜蜜度有增无减，Elanne系社交网晒出老公/老婆视角的相片，原来两小口子寻日去了行山，仲笑老公：「佢好唔掂！」

除了上载相片，仲有片添，只见Elanne头戴cap帽，一身运动服，平时有练开气的她，明显体能高老公几班，一支箭咁行系前头，而Oscar堕后，行到㷫仲除下外套，只穿上短袖T 。有网民留言：「老公面色好苍白」，Elanne抵死回应：「佢好唔掂！」，还留言寸老公：「体能操好啲先再约我行山啦！」