谷胸开工禁老公探班 李思欣：惊佢闹

李思欣拍摄广告，身穿透视晚装谷胸上阵的她骚性感，冧庄第2年成为品牌代言人，她笑指酬劳有加少少，今次拍摄造型分别有比坚尼及晚装等，身上的白色低胸裙较为有视觉效果，更笑谓惊被老公范振锋闹。她说：「原本老公话嚟探班，我都系叫佢唔好嚟啦！佢平时唔畀我太性感，但上次拍广告都OK。」

李思欣称老公不批准她穿泳装开工时有传媒探班，不过老公会为她影靓相，专登影到不见样，她跟老公去沙滩则不会著三点式。问到服装可需老公过目？她谓：「试过同佢一齐出席活动，叫我即刻换过条裙，有时觉得场合不适合就话换咗佢啦，如果唔系同佢一齐就可以走盏多啲。（迁就老公？）我几就人㗎！结咗婚要尊重另一半，但佢几锡我嘅。」