目睹大仔被家佣搣鼻 叶翠翠：唔开心到又晕又呕

叶翠翠3年抱两，上月底诞下2仔「小小王子」，现时专心坐月及照顾两位囝囝的她，日前在社交平台大呻伤心事，皆因她亲眼见到工人搣1岁多大仔「小王子」个鼻。她留言：「我真系好唔开心！昨天（23日）比（畀）我亲眼见到工人搣小王子个鼻仔，我问佢点解要咁做，佢话系细细力，细细力咁又点？系咪就可以搣？我细细力搣你个鼻得唔得？我话平时对你咁好，你竟然咁做！我问佢有人咁搣你个仔得唔得？（佢有个仔）」。

叶翠翠续说：「工人所需要的我都会提供，如全部日用品，买衫买鞋，她喜欢的饮品食品，加人工，我全部都比（畀）佢，佢个仔生日我都有买礼物寄比（畀）佢，只要工人开心我就愿意比（畀），我在医院时比（畀）钱佢日日搭的士去医院，对佢咁好，原来都系一样，我真系好唔开心......我昨晚唔开心到又晕又呕......」

视王子们是命根的叶翠翠又表示：「梗系嬲猪爆啦」，接受传媒访问时她谓当日工人无解释为何搣大仔的鼻，当时睇到大仔捉住工人只手，认为工人想搣痛大仔令他放手。