颜卓灵粉丝团男多女少：希望吸纳多啲女粉丝

颜卓灵（Cherry）早前正式成立Fan Club，并命名为「车厘子军团」，自从有军团粉丝撑住，令她更珍惜疼锡自己的人。Cherry笑说：「我要叫佢哋做车厘子军团，我对佢哋好有使命感同归属感，佢哋不计劳苦咁陪住我，之前电影谢票佢哋场场都有出现支持，仲买埋飞入戏院打气一齐谢票，又帮其他观众打灯影相，连谢票灯光组都做埋，佢哋好撑住我，仲大叫我颜卓灵个名，其实我锺意人哋嗌我全名，不过就因为工作未有正式同佢哋倾偈，我之前喺吉隆坡拍戏想起返到香港一定要搞成，好在今次真系梦想成真。」

成立Fan Club当日，Cherry送出海报给大家，席间又玩多个游戏，她开心谓：「我好耐冇咁开心玩集体游戏，本来佢哋想我做主持人咁，不过我都想玩埋一份，大家玩到好似小朋友咁。虽然大家未系好熟，不过透过游戏反而可以加强沟通，而且又分享下日常小事，好希望快啲又再有聚会。」对于Fan Club比例似乎男多女少，Cherry笑说：「通常都系异性相吸嘛，其实都几正常呀。」不过她都希望能吸纳多些女粉丝呢。