拍广告遇「强风」 佘诗曼：女神唔易做！

佘诗曼为拍摄广告扮「智慧女神」，会「仙女下凡」送喉糖助人解决小毛病，阿佘穿上一袭长长的拖尾裙，兼且被大风扇吹到行，凝造「裙摇又尾摆」的仙气效果。她说：「咁热嘅天气拍呢个广告真系好舒服，因为每个镜头都有四至五把风扇吹住我。但同时拍呢个广告都真系唔简单，大家睇见我好靓、好似仙女咁，其实幕后好多工作人员帮手，因为条裙有四边，要唔同方向拉起条裙先有飘逸嘅感觉。加上导演要求高，所以有啲镜头拍咗好多take。」

被几把大风扇长期迎面吹，阿佘的一双电眼也难逃「漏电」的命运，令她不禁笑言女神唔易做：「我对眼最辛苦，因为吹足成日，对眼系咁流眼水，真系女神唔易做。」拍摄当日，阿佘走匀旧式茶餐厅及停车场等地取景，加上拍摄时间长达12小时，相当频扑，难怪阿佘当天胃口大开，即使临埋位前亦不忘吃甜品，故被工作人员封她为「贪食佘」。她谓：「因为全日都有四个工作人员拉住我条裙，即系间接拉住我，佢哋会无定向风咁扯我条裙，有时都俾佢哋拉跌我，所以我马步都要企得好稳至得，我仲俾人笑食得多嘢，其实佢哋都唔知我要几用力，所以食完晚饭要再食甜品。」