孖古巨基合唱《子华说》 黄子华录音即兴创作金句

正在筹备5月红馆演唱会和全新广东专辑的古巨基，新专辑概念是香港故事。这个概念早在去年初已构思，古巨基更为此定下了很多歌曲题目，其中一首歌名锁定为《子华说》。古巨基表示︰「子华喺栋笃笑里面嘅金句，好系香港人喺生活中嘅心声。例如爱情、上班族、生活日常等，无论乜嘢年纪听到，都可以从中搵到共鸣位，令你会心微笑。我同子华讲咗呢个歌曲概念，我话呢个世界冇第二个人可以帮我达成呢个project，所以我真系非常非常感谢子华呢次拔刀相助。」

问到子华神为何如此撑古巨基，子华笑说︰「我好少帮人结婚时做兄弟，人生都系做过两次，第一次系刘青云，另一次就系十几年后帮基仔。好少人请咁大年纪嘅人做兄弟嘅，今次系为咗报答佢，哈哈。」他续说：「其实呢次听咗基仔讲想做只碟关于香港故事，觉得几有意思。加上首歌又有林夕阿Mark（雷颂德）咁强阵容，多谢基仔呢啲大歌星选中我啫。」新歌由基仔唱，子华Rap，还有林夕填词，将子华历年金句整合。对于歌曲，古巨基就话：「大家都投放咗好多心血，先得出呢首《子华说》，创作过程好玩好丰富。」

问到古巨基对子华哪些金句最深刻？他谓：「最深印象系人生三大矛盾：『搵食啫、犯法呀？我想㗎？！』仲有『落咗妆仲认得嘅叫化妆，落咗妆唔认得嘅叫乔装。』好多句都好啜核抵死。」子华更在录音期间灵感大爆发，鬼马地即兴创作金句，「船到桥头变林夕」，「做只猫、做只狗、做只出位的马仔」，为《子华说》添上神来之笔。录完这首歌，古巨基除了要感谢子华的出「口」相助，还感谢对方多年来为香港人带来这么多欢乐。「香港真系好需要一个黄子华，带畀大家欢乐去减压，而呢首歌正好记录咗子华嘅部分心血。」。