真系好爆！古天乐盛情难却开金口唱《男朋友》

古天乐昨晚出席香港电影工作者总会春茗，身为演艺人协会会长的古仔，果然与一班艺人好玩得埋，被J.Arie（雷深如）、小肥、廿四味、RubberBand等人「劫持」上台，原本Live Band弹紧《月亮代表我的心》，被王梓轩强行叫停改弹《男朋友》，一班人大合唱起哄，古仔见大家盛意拳拳，好难得下都开下金口唱几句。
因为古仔实在太耐没公开唱歌，所以全场都好兴奋，J.Arie同王梓轩更在instagram上载古仔上台献唱的片段，两个都话自己「独家」！J.Arie留言：「［创举with love and respect］人生有咩癫得过，喺古天乐古先生面前，大大声声唱佢既金曲《#男朋友》， 佢中途真系有开金口唱㗎！好爆……真系好爆，因为从来冇人够胆系佢面前唱，多谢我既No.1偶像古生！！！Respect and forever #回答我可不可以暂时让我讲出感觉后 #才直说你有男朋友现在就要走 #廿四味 #doughboy #王梓轩 #小肥 #波多野裕介 #rubberband #香港电影工作者总会春茗 #独家 #史上最癫嘅表演 #古天乐」。
王梓轩都留言：「有请 #杀破狼贪狼 主题曲 #月亮代表我的心 及经典歌曲 #男朋友 原唱 #古天乐 先生上台！！#其实我哋都估唔佢会上台 #回答我可不可以暂时让我讲出感觉后 #好多回忆啊 #香港电影工作者总会春茗 #独家」。