【中年危机】急燥赵学而曾患情绪病：要锡自己多啲

赵学而作客TVB娱乐新闻台节目《StarTalk》接受专访，大谈将举行首个红馆演唱会及入行多年的感受。她说：「红馆大咗，担心自己体力能否应付，亦紧张自己表现，所以要练气，我有跟老师上堂学唱歌同玩空中瑜伽练肌肉，肌肉紧啲身型都唔同啲，著衫会好睇啲。」

提到赵学而心态有所改变，她坦言10多年前拍《皆大欢喜》期间劲急燥，「以前拍《皆大欢喜》时个人急得好紧要，谢天华叫我做狂燥婆婆，所以一下子停落嚟，成个人有啲迷失，有中年危机，患上情绪病，多得林一峰喺工作同生活上嘅指引，当时同佢合作做咗《一期一会》音乐剧，系佢哋嗰团火刺激到我，而黄伟文搵我翻唱《最佳位置》亦喺事业上帮到我好多。」

心境变平静的赵学而感言在工作上不会刻意追求太多成果，「有工作就去做，我系一个随遇而安嘅人，我同我老公步伐一致，大家都系慢活嘅人。去到呢个阶段，人又嫁咗，要锡自己多啲，享受下静落嚟嘅时间，就算有几多困难都会过，只要搵到自己嘅心态去面对就得。」