肖像被盗Sell减肥产品 欣宜誓追究：大家唔好中伏！

郑欣宜早两年已经讲明只会保持健康，不会再刻意减肥，要做返舒服自然的自己。不过有不法之徒不断利用欣宜身形制造假广告，近日更有面书专页盗用欣宜的相片推销减肥产品，以哗众取宠的标题呃人，资料全部错兼乱作，又伪造欣宜推介减肥产品的相关资料。

欣宜对于被不法之徒盗相做假广告之违法手段绝不姑息，除了作出追究之外，更呼吁网民切勿误信此减肥广告。她说：「我要澄清我系冇搵任何公司用任何产品，或者用任何仪器去做减肥疗程，呢间公司系不合法地利用我嘅肖像去呃人，大家真系要睇清楚唔好俾佢呃，我同呢间公司完全冇关系！同埋如果大家真系要减肥，系要去搵专业人士帮手，千祈唔好随便相信呢啲不诚实广告，真系好危险，所以我哋会追究呢件事，希望大家唔好中伏！」