开post撑唐诗咏 洪永城冧爆：你系我心目中嘅最佳女主角

洪永城、唐诗咏去年5月宣布和平分手，二人一直Keep住单身，早前更被拍得饭聚惹来翻挞疑云，诗咏坦言当日是一班圈外朋友聚会，至于复合有冇机会？她抛下两字「随缘」，分手后做朋友见个面是正常事。

话说诗咏今年凭《不懂撒娇的女人》入围视后，不过面对劲敌宣萱、胡定欣、鲍起静等，诗咏都觉对手太强，似乎无机会攞奖。本月21日就是《万千星辉颁奖礼》，诗咏都孖何远东拍片拉票，努力冲刺。

前度男友洪永城都投下神圣一票，更专登在社交平台出Post撑诗咏，他上载已投诗咏为「最佳女主角」的截图，并冧爆留言：「记得曾经问过你，如果你攞最佳女主角，你会讲啲咩？你话：有机会攞先算啦。今年终于到你。有样嘢非常之佩服你，喺剧组咁多年，我从来未听过一个人讲你坏话，只听到诗咏好、诗咏得、诗咏无得顶，净系呢个原因你都至少攞个最佳人缘奖啦。当然你点会剩系得呢个奬咁简单，见到你每次开剧之前角色上嘅准备工夫，令自己投入状态，而在剧拍摄中无论自己生活中在几多嘅情绪，你都保持在那状态之中，你系我心目中嘅最佳女主角，咁多年嘅努力，希望今次你得。#最佳女主角唐诗咏」。

睇到呢番话，真系又冧又感动，网民仲趁机起哄留言「赶快复合！支持！」、「可唔可以一齐返？」、「好感人，公开爱的宣言」。