刚小产完突然肚痛 陆永老婆：冇力到眼前一黑跌落地

陆永老婆Reina早前被爆不幸小产，今日她在instagram贴长文，谓同朋友去元朗食完糖水准备开车返归之际，肚痛不知所措，「唔系想去厕所，但系都行去睇下个公园有冇厕所，痛到成头冷汗，突然冇力眼前一黑跌低落地下，之后㩒住个肚漂眼水。同行位朋友唔熟路，报警都唔识讲地址，好彩有两个热心人帮手，仲有位小姐畀纸巾我抹汗。另外喺车等我哋个位朋友，唔识著车闩返全车车窗又唔识锁车，多得隔离车司机好好心帮我搞掂架车。
「上咗救护车后，我又唔痛喇，做完简单检查后，我要求落车，我唔想去医院等几个钟都未见到医生呀！但系仲系冇乜力，三个好好人嘅救护员话如果唔痛，可以休息多阵，唔去医院都得嘅～～最后我上咗救护车，冇去到医院！谂住搵代驾帮我揸车返屋企，但系冇预约又要入元朗，要等成个几钟先到喎...所以，我自己揸车走咗！返到屋企畀人强迫我去私院睇医生，我都自己返到屋企啦～～仲入咩医院，早啲瞓好过啦！#除咗跌损手脚其他嘢都好正常喎 #个肚离奇地一啲都唔痛 #多谢今晚帮助过我哋嘅人 #唔知可以用咩嚟形容今晚发生过嘅事」。
好多网民留言都叫Reina小心身体，及做个身体检查较好；亦有经验之谈谓她应该是肠抽筋。陆永两公婆于2011年婚后育有两女，大女一颖细女一心精灵可爱，早前Reina佗第三胎男B时不幸流产。