月前大肚开工惨被走数 孙慧雪嬲猪：好无良！

孙慧雪（阿雪）已为人母，B仔Riley都3个月大了，当时佗B中的阿雪依然开工赚奶粉钱，不过昨晚她在社交平台大呻被某公司走数，6月追到11月仍未收酬劳。她公开WhatsApp对话截图，见对方都话会直接入票去阿雪银行户口，结果阿一拖再拖，最后甚至唔回覆阿雪。 阿雪无奈地留言问网民：「想问咁样系唔系已经走咗我数？其实每次工作我都好尽力同好爽快地完成，然而每次追数都好似我要求人咁，有试过因为争成年，我先开口问，都被人话我Chur住追数....但我真系做咗！自问都好有礼貌呀？点解要求出粮好似我做错咁？呢单仲要大住肚来做，我觉得咁样都走数，真系好无良，我好嬲呀！」 不少网民戥阿雪唔抵，叫她入禀小额钱债审裁处追讨，阿雪再回覆：「好多谢大家咁关心我呀！其实该公司嘅前员工都同我讲，话我而（依）家whatsapp紧嘅其实唔系佢，所以我都唔知边个？而好多人已经中咗招，亦有好多人搵咗小额钱债向呢间公司索偿，但佢哋真系同嗰啲人慢慢玩，日日上庭，就算判咗上告人胜诉，都有半年俾（畀）佢慢慢还！而佢地（哋）公司亦已经无再运作，有人话佢哋已用其他公司名，所以大家小心啲，都系签晒文件先！或者要求deposit！！谢谢」。据知阿雪与该公司合作过几次，都是迟出粮，想不到今次走数，当买个教训。虽然嬲嬲猪，但阿雪不忘开心宣布3个月大的Riley已有20磅重，更笑说自己的背肌同手瓜已练得非常发达。