袁伟豪新欢旧爱同场冇尴尬 张宝儿岑杏贤搲银大过天

袁伟豪新欢张宝儿与旧爱岑杏贤获邀一同出席商场活动担任嘉宾，并以此作招徕，司仪一开始提到商场转Logo属「去旧迎新」，玩游戏又测试两人是否口味相同，二人当然有备而来，全程表现从容，笑容满面并经常交流。张宝儿笑称：「我真系唔觉得尴尬喎！反而身边嘅人尴尬。」问到宝儿收到活动邀请可有感愕然？她说：「唔会喎！都系公司同事，我哋都有碰过面，系今次第一次一齐出席活动。」提到用她们的新闻作招徕，她说：「希望我哋各自都有工作同演出，亦同样得到人欣赏，我哋相信我哋有呢个价值。」岑杏贤亦直言不觉尴尬，说：「真系唔会尴尬。之前影TVB月历又见过，罗天宇生日我哋都同场。」提到用她们的新闻作招徕，她说：「娱乐新闻我哋控唔到，唔会因为呢啲新闻影响到。我反而多谢大会，谂到我哋呢一个组合。拍拖系开心事，我祝福佢哋。」 有报导指袁伟豪跟张宝儿同游日本8日，指二人女尊男卑，宝儿说：「我屋企人都见过佢（袁伟豪），屋企人都觉得佢有承担、前途亦大有作为。相信会畀到幸福、饱足佢屋企同身边人，佢系一个好好嘅男人。」至于被指是「新处女党」其一成员，宝儿就说：「我系基督徒，我好清楚自己嘅底线，唔可以畀个框框住系唔系处女；有好多底线更加难坚持。（唔想再有呢类报道？）唔好成为焦点，拍拖有好多嘢去进步同成长。」（摄影：邓国良）