小Celine唱情歌被弹冇Feel 萧定一澄清AGT指定冇得拣

9岁小巨肺谭芷昀（Celine）在新一集《全美一叮》（AGT）中，演唱Michael Bolton的悲伤情歌《How Am I Supposed to Live Without You》，人仔细细唱功了得的她令客席评判Laverne Cox忍不住按下Golden Buzzer，保送Celine晋身下一轮赛事。 有报道指唱作人兼监制Eric Kwok（郭伟亮）称赞Celine是唱歌天才，不过9岁小妹妹冇爱情经历去唱情歌，成件事冇情感、唔衬小朋友，更认为Celine就像唱功一流的机械人。

对于Eric Kwok的言论，Celine的经理人萧定一作出回应，表示《AGT》指定歌曲，参赛者无得拣。他说：「我希望佢明白唱乜嘢歌我哋系无权去选择嘅，因为歌曲系AGT指定，所有权力都喺AGT嗰度。当然我哋听到要唱呢只歌嘅时候，都明白一个9岁嘅小妹妹，系好难明白一个失恋者嘅感觉，我哋有尽力去解释畀佢听，但系亦都唔会觉得佢会理解，所以只可以尽力叫佢唱好啲。对于Eric嘅指导我哋系理解同明白，日后定当会朝呢个方向努力同埋进步，多谢指教。」