Cherry婚前为Saving不辞而别　唐诗咏：有一种爱是放手

无綫电视剧《不懂撒娇的女人》讲到唐诗咏饰演的凌禹勤（Cherry），与王浩信饰演的程日晖已去到谈婚论嫁阶段后，昨晚播出一集又讲到两人愈来愈幸福甜蜜，Saving更弹结他与Cherry合唱《陪着你走》，令Cherry感动爆喊，情到浓时更捧起Saving块面连环咀，唔少观众都被呢一幕为之感动。不过，原来Cherry系因为佢打算之后不辞而别而喊！ Cherry留低录音比Saving，话「如果我无能力将你变得更加好，我应该比你自由，比你做想做嘅事」，又话知道结婚对Saving嚟讲，压力好大，多谢佢一直努力尝试，又知道佢一直无放弃过创业，相信佢一定可以做到。结果Saving一路听录音一路爆喊，唔少观众睇完呢一幕，都上网留言话好心酸，睇到一齐喊！ 剧集播出之后，诗咏都有喺facebook出post，话呢一场戏系佢最喜欢，「那一刻内心是感动、激动、痛苦、伤心难过，却只有自己知道，可能没有人明白cherry的选择，我却明白，当你明白甚么是爱，你可以为他做任何事情，只希望他可以更好，而痛苦的是，我不是那个可以令他更好的人。」唔少网民都留言，有人问「点解你走咗去呀？？？」诗咏就回覆：「有一种爱是放手」。 影片来源：myTVSUPER