专栏 Will知足球｜车仔三兄弟可以并存？

从前有个故事关于三兄弟，大佬、二佬同埋三佬都系瞓同一间房，不过间房永远只系得两张牀，大佬因为扯鼻鼾扯得太劲，二佬又成日翻身瞓，所以永远都唔啱。三佬永远都系无乜所谓，有得瞓就得，所以大佬同二佬总有一个都会逼于无奈而要坐凳仔无得瞓。

但系有时三佬离家出走，剩番大佬同二佬，咁有牀瞓都要瞓，但系就瞓得差啲罗。经历咗两年，老窦终于搞掂呢三兄弟，调咗二佬去隔篱房，咁咪大家舒服。

大佬安素费南迪斯、二佬摩西斯卡些度、三佬罗美奥拉维亚喺星期日对维拉嘅赛事首次同场，系一个几惊喜嘅组合，因为老窦马列斯卡将马路古斯图放喺后备，用卡些度踢右闸，令拉维亚成为中场嘅润滑剂，同时安素可以推前一格，效果唔算差，保持到零失球，连安素自己都有波入。

不过都要睇下二佬卡些度如何适应间新房，因为见到佢喺几次拦截都差啲甩，再加上位置感都要进一步提升。呢个都系需要解决嘅课题，睇下老窦点样将呢三兄弟慢慢磨合。Willhappy