折骨Ben一脚踢制作既困难又有满足感 首以独立歌手身份推出英文歌丨独家
2024-12-06 06:00 
折骨Ben（赵祥诚）以独立歌手发展后，最近推出首支英文歌《Young Freak》，由他亲自参与作曲、填词和监制，还负责度桥拍MV，由于全无经验遇上不少困难，压力亦好大，但完成后分外有满足感。他认为歌曲用英文演绎，最能直接表达他的想法，但已计划明年推出广东歌和国语歌。采访：杜杜 摄影：罗安强 场地:The AIR (The ONE)
Ben去年约满寰亚转型独立歌手后，终于有新歌《Young Freak》面世，还由他亲自参与作曲、填词和监制，就连MV都有份度桥，而歌曲内容正是他的心声，「由细到大我都有好多奇怪谂法，就好似个『怪朋友』咁陪住我成长，但慢慢成熟同呢个『怪朋友』可能会越行越远，呢首歌就系想提醒大家唔好放弃呢个『怪朋友』，继续多啲唔同谂法去追求自己梦想。」
望打入国际巿场
由于新歌身兼多职，Ben坦言压力超大，「我真系好多方面都冇经验，全部嘢都系边做边学，好彩过程搵到好多好朋友帮手。」而当中最困难是拍MV，他竟然只花了1天拍摄完成，「太耐冇出过歌，我好想快啲有新歌同大家见面，为咗赶进度所以用咗好少时间拍摄，但制作MV经验真系好少，真系好困难，但𠵱家出到街又觉得特别有满足感。」本身锺意画画的Ben，歌曲的封面亦有亲自创作，「Cover除咗用相之外，我都想有啲唔同，自己尝试用电脑设计咗个歌名出嚟做封面，出黎效果都几满意，家姐鼓励我攞嚟做锁匙扣纪念品。」
对于首支创作歌曲用英文演绎，Ben认为最能够直接表达自己想法，「我通常写歌都系会写咗英文先，一嚟可以最直接表达我嘅想法，写广东话同国语歌词真系太难，加上我有个谂法可能大家会觉得太远，但系我都希望歌曲可以有日打入国际巿场。」不过有了这次经验，Ben相信未来制作歌曲会更加顺利，推出歌曲的密度会更高，「今次真系学咗好多嘢，更加清楚个流程，下次再出歌应该会好啲，进度亦都会快咗，所以下年年头应该会再有新歌，𠵱家制作得差唔多，下年仲打算推出广东歌同国语歌。」
最新回应