星8卦丨 「大婆」被飞闪嫁「才俊」旺夫陷骗局惨变第三者

做「大婆」真系一啲唔容易，当日闪电嫁「才俊」系因为需要，佢啱啱同纠缠二十年嘅「小生」分手，原因系佢喺自己地头有个后生女超过十年，自己竟然唔知道。「才俊」都结过几次婚，每次娶嘅女人都系可以帮自己更上一层楼，「大婆」初时唔知咁多，以为自己执到，结果系棋子一只。

相关阅读：星8卦丨「老前辈」自制病历 扮「性上瘾」滚女不留后有原因
 
不过「大婆」清醒知道自己当时好凄凉，被嫌弃感觉令佢好失落，所以人前人后「大婆」都好感激「才俊」当时出手娶自己。基于咁嘅关系，「大婆」以为自己可以退一步谂，要一头家啫，但相处耐咗，尤其「才俊」 因为老婆名气一日畀一日好，嗰位一直收埋畀「大婆」更早名正言顺嘅「白领」开始蒲头， 又难怪嘅，你哋做到咁张扬，我系帮佢生埋仔继后香灯嗰个，心情梗系受打击。

相关阅读：星8卦丨「莫名」忍足廿年决定斩缆 有钱有爱人完胜人生下半场

只不过「白领」冇名气冇价值帮唔到「才俊」更上一层楼，于是用阴招部署几年话「大婆」冇得生，仲将时间搞到乱晒，以为「才俊」之后识到自己，所以嫌弃「大婆」。「才俊」知得 一清二楚，完全唔出面阻止，原因系「白领」后生仲可以生多几个，对恨仔恨出面嘅佢嚟讲，梗系想有钱又有后代，绝对自私无品嘅渣男。

 相关阅读：星8卦丨「娇娃」同「老板」搞上「恶妻」质问摆「蠢仔」上枱自保