独家丨Joe Junior唱歌61年超多惊险事 险跌落台前排观众扑住救

Joe Junior继去年完成两场《Pop Legend Joe Junior In Concert》后，因反应好，将于本月31日于文化中心及11月7日在香港大会堂再接再厉演出。76岁嘅Joe Junior有61年舞台演出经验，但都发生过舞台意外，幸而及时有两名「救命恩人」才有惊无险，谂起仍然一额汗。采访：方骞平 摄影：朱伟彦

Joe Junior有得唱歌就开心。

Joe Junior系个开心快活人。

Joe Junior热爱唱歌。

热爱唱歌的Joe Junior，疫情下有得开show真系超兴奋，他无奈表示：「个疫情真系阻住地球转，影响咗好多嘢，自己工作都少咗要悭啲，不过，我谂法好正面嘅，有得唱歌就开心，谂咁多做乜呀！讲自己惨有好多人惨过我，有饭食咪算罗，食唔到鱼翅就食粉丝，一样系食落肚，最重要健康。」

Joe Junior疫情下有得开show真系超兴奋。

桑拿场所成高危的猴痘传播处所之一，向来热爱焗桑拿的Joe Jun就话疫情下经已去少咗。

Joe Jun坚持有饭食咪算。

Joe Jun平日Keep住练歌交足功课。

Joe Junior喺疫情下再开两场show。

76岁Joe Junior多年来keep住练气及唱歌。

Joe Junior演唱会曾请来伍咏薇做表演嘉宾。

教徒仍上香求安心
Joe Jun平日Keep住练歌交足功课，唯独身处喺舞台上就要战战兢兢，他更自爆有过舞台惊险事：「十几年前喺上环文娱中心做show，唱得太兴奋愈行愈出，踩咗出台都唔知，喺我失平衡一刻，坐喺前排嘅fans夫妇奋不顾身扑住拯救，连手机都掉出嚟报销咗，男嘅用心口托住我；女嘅就捉实我只手，当时我就变咗超人咁呆企喺度，全场观众都哗然，真系好惊险，𠵱家演出时刻提醒自己要behind the yellow line。其实舞台演出系存在一定危险性，唯有小心啲，所以就算我系天主教徒都会喺场馆上香求个安心，咪当系打个招呼罗，系一份尊重。」

Joe Junior试过踩出台边，几乎失足受伤。

Joe Junior身后夫妇就系佢嘅救命恩人，当年男方为救他跌烂手机，仲话唔使赔。

Joe Junior求个安心，演出前会拜神。

另外，猴痘疫情发展惹人关注，桑拿场所成高危的猴痘传播处所之一，向来热爱焗桑拿的Joe Jun就话疫情下经已少咗，尤其开show前更要小心，唔好周围去，返家要第一时间消毒及冲凉就稳阵好多了。

Joe Junior 6年前心脏不适入ICU，死里逃生。

Joe Junior 两公婆好恩爱。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ